Sito Ufficiale    Battaglie      Forum      Liguria Indipendente    Archivio Notizie   Registrati   Login

Cerca



O cavàllo e o pòrco

Dall' Esopo Zeneize del poeta genovese Martin Piaggio (1774-1843) si propone la Favola IV "O cavallo e o porco" trascritta in grafîa ofiçiâ da A. Gastaldi.

 

FÖA IV
O cavàllo e o pòrco

Gh'êa un pòrchétto - int'un vilàggio,
 Chi no sciortîva - mâi d'into stàggio;
O no pensâva - che a bén mangiâ
 Béive e dormî, - grugnî e rumâ.
In pöco ténpo - o vegnî gràsso,
 Che a sténto o poéiva - fâ quàlche pàsso;
Ma con levâse - tùtte e sò coæ,
 O s'anoiâva - ne-a moscitæ.
In quéllo stâto - trìsto e indolénte
 O l'invidiâva - e dâva ménte
A un pöveo béstia - de cavalìn,
 Chi rebelâva - séia e matìn
Ina caròssa - con sténto e suô,
 A fréido, a câdo, - a ægoa, a sô;
Ma pô o vegnîva - sénpre ciù béllo,
 Gràsso luxénte, - vispôzo e snéllo.
Méntre o façeîva - ste riflescioìn,
 Pàssa a propòxito o cavalìn;
Fèrma , o ghe sbràggia, - béstia da tîo,
 Dìmme per cöse - (tiàndo un sopîo)
Nìnte me piâxe, - tùtto me tédia,
 Sens'apetîto - créppo d'inédia?
Mi, che a mæ vìtta - êa de mangiâ,
 Béive, dormî, - grugnî e rumâ!
E ti, che in càngio - sénpre tócca
 De tiâ e stentâ - co-o mòrscio in bócca
E che ti màngi - un pö de fén,
 Ti ê sénpre alêgro, - e ti stæ bén?
Rispôze prónto - o cavalìn:
 Ti æ da savéi, - rê di pötroìn,
Che vìtta còmoda, òçio e lecâia;
 Partoìscian sénpre - tédio e bâgiàia;
Che da-o travàggio - co-a sobrietæ
 Nàsce o conténto - e-a sanitæ


Informazioni aggiuntive